/. Bisitariak
/. Hasiera » Bisitariak » María Elisa Cabo Acosta

María Elisa Cabo Acosta

Trabajo Social, Facultad de Ciencias Sociales Universidad de la República

Ikertzaile bisitari aldia: 2027ko martxotik ekainera
Arrazoia: doktorego aurreko ikerketa egonaldia

 

Gizarte Zientzien Fakultateko Gizarte Langintzan lizentziaduna eta Humanitate eta Hezkuntza Zientzien Fakultateko Giza Zientzietan masterduna naiz. Gaur egun, Gizarte Zientzietako doktoregaia naiz Errepublikako Unibertsitatean, eta Gizarte Zientzien Fakultateko Gizarte Langintzako graduko irakaslea, Proiektu Integralak irakasgaian. Bertan, irakaskuntza, ikerketa eta unibertsitate-hedapena uztartzen ditut.

Nire ibilbidea gizartearen eta hezkuntzaren arloetan garatu dut, bereziki unibertsitate-hedapenarekin, esperientzien sistematizazioarekin eta Latinoamerikako teoria kritikoekin lotutako gaietan. Bereziki landu ditut Herri Hezkuntza eta teoria postmarxistak, hala nola Diskurtsoaren Analisi Politikoa. Doktorego-ikerketaren bidez, gizarte-teoria feministetan sakondu nahi dut, bereziki Latinoamerikako testuinguruan, baita teoria horiek gizarte-arloko esku-hartzeetan eta goi-mailako prestakuntzan nola txertatzen diren aztertu ere. 2009an hasi nintzen irakasle-lanetan Errepublikako Unibertsitatean. Zazpi urtez aritu nintzen unibertsitate-hedapenaren arloan, Programa Integral Metropolitano programan eta Servicio Central de Extensión y Actividades en el Medio zerbitzuan. Esperientzien Sistematizaziorako Prestakuntza irakasle-taldeko kide izan nintzen eta, ondoren, kudeaketa akademikoaren esparruan, Hedapenerako Laguntza Unitatea koordinatu nuen Goi Mailako Gorputz Hezkuntzako Institutuan. Latinoamerikako eta Karibeko Herri Hezkuntzaren Kontseiluan (CEAAL) eta Humanitate eta Hezkuntza Zientzien Fakultateko Hezkuntza Politika eta Praktiken Ikerketa Taldean parte hartu nuen. Gaur egun, Gizarte Zientzien Fakultateko Gizarte Langintza Saileko DeLiberación Arlo Akademikoko eta Genero eta Feminismoen Arloko kidea naiz.

/. Orcid /. Google Academic /. Dialnet /. Scopus /. Web of Science /. Academia.edu /. Red LIESS /. Research Gate /. Mail /. Web