Soziologian eta Zientzia Politikoetan lizentziatua (Madrilgo Unibertsitate Konplutentsea). Gizarte eta Kultura Antropologian doktorea (Santiago de Compostelako Unibertsitatea). Gaur egun soziologiako irakaslea da Vigoko Unibertsitatean. Bere ekoizpen zientifikoa diziplina anitzeko taldeetako indarkeria eta zaurgarritasun mota ezberdinetan eta diziplina ikuspegi berrien bilaketan oinarritzen da.
Irakasle doktore kontratatua UNEDeko Soziologia III Sailean (Gizarte Joerak). Soziologiako doktoregoa lortu nuen Euskal Herriko Unibertsitatean, eta diziplina bereko masterra Ecole des Hautes Etudes en Sciences Socialesen (Paris), eta doktoratu ondoko ikertzailea izan naiz Santa Barbarako University of Californian. Nire lanak soziologiaren, teoria feministaren, ekintza kolektiboaren, identitatearen, biktimen eta zaurgarritasunaren barruan edo kanpoan mugitzen dira. Mugimendu horretan gauza batzuk argitaratu ditut, hala nola Identidades en proceso liburua (CIS, 2019).
Komunikazioan doktorea eta Deustuko Unibertsitateko ikertzailea da. Dozenaka artikulu, kapitulu, monografiko eta txosten zientifiko-tekniko argitaratu ditu. Londresko (Erresuma Batua) ODIko ikertzaile elkartua ere bada, eta mundu osoko arrantzari buruzko big datan oinarritutako txosten zientifikoak sortzen ditu. Bere ikerketen gai nagusia datuak eta algoritmoak dira, datuen aktibismorako tresna eta eztabaida politiko eta sozialerako gune gisa. Gutiérrez «Activismo de datos y cambio social» (Londres: Palgrave-Macmillan) liburuaren egilea da.
Sevillako Unibertsitatean Giza Geografian doktorea eta Basque Centre for Climate Change zentroan gizarte eta ingurumen gaietan ikertzailea. Hainbat begirada, esperientzia eta asimetria dituzten ingurumen-arazoetan diziplinaz gaindiko esperimentazioa egitea interesatzen zaio. 2021az geroztik, Murtziako Itsaso Txikiko aintziraren (SE Espainia) degradazioari buruzko baterako ikerketa-laborategi bat garatu da tokiko aktoreekin.
Maisu ezjakina, des-artista, trantsizioan dagoen diseinatzailea, jakintza-konpostatzailea, ikertzaile-kobaia, aita berantiarra. ColaBoraBora uharteko biztanlea. Uharte horretan, ZERak birdefinitzen dituzte, NOLAak eraldatuz. Bere egunerokoan DNA kolaboratiboa sustatzeko lan egiten du, prozesuen diseinuaren, saregile lanaren eta konbentzioen hackeoaren artean mugituz. Goizero, jaikitzean, mantra bat bezala errepikatzen da: MENOSCOSASMÁSCUIDADAS. Oraingoz, beste ezerk baino gehiago, bere burua engainatzen du, baina… Horretan ari da!
