Psikologia Pedagogikoan doktorea da Nafarroako Unibertsitate Publikoan (UPNA/NUP) eta Ikus-entzunezko Komunikazioan lizentziaduna Nafarroako Unibertsitatean (UN). Arte Ederren Fakultatean eta Bizkaiko Hezkuntza Fakultatean ikusizko arteen hezkuntzarekin lotutako irakasgaiak irakatsi zituen. Bere ikerketetan eta parte hartu duen proiektuetan, hezkuntzako eremu formaletan zein informaletan, ikusizko arteen hezkuntzako ikuspegi kritikoenen aplikazioan sakontzen du, bai eta ikusizko kulturaren aurreko ulermen kritikoa nola aberastu daitekeen ere. Emaitza batzuk estatuko eta nazioarteko aldizkari zientifikoetan argitaratu dira, eta Espainiako estatuko Kalitatea Ebaluatu eta Egiaztatzeko Agentzia Nazionalak (ANECA) bi seiurteko eman dizkio lan horri esker.
Álvaro Fierro Ekonomian doktorea da Euskal Herriko Unibertsitatean; ikerketa-egonaldia egin du Leicesterreko Unibertsitatean (Erresuma Batua), eta bere formakuntza akademiko eta profesionala ekonomia aplikatuan eta kulturan oinarritzen da. Arlo profesionalean, Cultumetria (www.cultumetria.com) enpresaren sortzailea da eta Euskal Herriko Unibertsitateko Ekonomia eta Enpresa Fakultateko irakasle atxikia. Halaber, irakasle bisitaria da Madrilgo Unibertsitate Konplutentsean, zehazki, Kultura Kudeaketa eta Gizarte Berrikuntza masterrean. Aholkulari izan zen La Caixako Art For Change kultur bitartekaritzako programan, baita Travesías México, Argentina y Travesías Centroamérica programan ere. Inpaktu-faktorea duten hainbat artikulu akademiko argitaratu ditu, eta “Evaluación de Proyectos Culturales en el Medio Rural”, “Pensar y Hacer en el Medio Rural” kapituluaren egilea da, Prácticas Culturales en Contexto (Kultura Ministerioa, 2020) liburukoa. Azkenik, 160 metro dokumental musikalak zuzendu eta idatzi ditu. Una Historia del Rock en Bizkaia, Bilborock eta Atrapados por la Serpiente, biak ere hainbat festibaletan sarituak. Normalean idazten du Ruta 66-n.
Larraitz Fagundez Osa Gizarte Antropologian graduatua da eta alor horretako masterra ere egin du, biak EHUn. Komunikazio eta kultura alorretan egin du lan. Gradu eta master amaierako lanetan iruditeria politikoan eta parte-hartze soziopolitikoan ematen ari diren aldaketei erreparatu die, kasu bakoitzean auzi partikular batetik begiratuz: “biktimen” mugimenduak, muga eta migrazioaren ingurukoak, etab. Gaur egun doktore-tesia egiten ari da Eusko Jaurlaritzaren Predok kontratuarekin, “aktibismoa” ulertzeko moduetan eman diren aldaketak eta horiek euskal kultur eta arte esparruetan duten isla ikertzeko.
Soziologian doktorea da Euskal Herriko Unibertsitatean, eta doktore-tesia egin du Gabriel Gattiren zuzendaritzapean, Espainia garaikidean etxegabetutako pertsonen subjektibotasunari eta gizarte-loturei buruz. Hainbat ikerketa-proiektutan parte hartu du, hala nola “Mundo(s) de Víctimas. Dispositivos y procesos de construcción de la víctima en la España contemporánea. Estudio de cuatro casos paradigmáticos” (CSO2011-22451) eta”“Desapariciones. Estudio en perspectiva transnacional de una categoría para gestionar. Habitar y analizar la catástrofe social y la pérdida” (CSO2015-66319-P). Gaur egun, doktoratu ondoko ikertzaile gonbidatua da Bordeleko Centre Émile Durkheim (Université Bordeaux y Science Po), Eusko Jaurlaritzaren Doktorereko Hobekuntza programa pean. Ikerketa bat egiten ari da espazioaren ekoizpen sozialari buruz, Frantziako eta Espainiako hiri-testuinguruetako Gosearen Ilaretako lotura sozialei eta subjektibotasunari buruz.
Javier Auyero Lozano Long Professor da Texasko Unibertsitateko soziologia sailean, Austinen, eta Ikerbasque Research Professor Euskal Herriko Unibertsitatean, Bilbon. ¿Cómo hacen los pobres para sobrevivir? prozesuan dagoen liburua (Sofía Serviánekin batera egina) Siglo XXI argitaratuko da. Oxford University Press-eko Global and Comparative Ethnographies saileko editorea da.
Amaia Alvarez-Uria Gasteizko Hezkuntza eta Kirol Fakultatzeko Hizkuntza eta Literaturaren Didaktika saileko irakaslea da. Euskal Filologian lizentziaduna da, Literaturan doktorea eta Psikodidaktikako Masterra eginda ditu. Ikhezi ikerketa taldeko partaidea izan da 2011tik 2023ra eta 2023tik aurrera Kontu Laborategia ikerketa taldeko paraidea da. *Argia*aldizkariko literatur kritikaria da eta *Sareinak, feminismo literarioak* taldeko kidea. Katalina Eleizegi eta Katalina Erausori buruz ikertu du. Hizkuntza, Literatura, antzerkia eta hezkuntzari buruzko artikuluak eta kapituluak argitaratzeaz gain, *Gorputza eta generoa euskal kulturan eta literaturan* (2012), *Ekin eta joka, azken ikerketak euskal teatroaz* (2018), eta *Mariokerrak, nola esan/izan bollera euskaraz* (2023) liburuak argitaratu ditu.
Álvaro Villar Baile Soziologian lizentziaduna da Euskal Herriko Unibertsitatean, eta 2019an Gizarte Zientzietako Ikerketa Eredu eta Arloetako Masterra lortu zuen, Soziologia eta Gizarte Lan Sailean. 2020az geroztik, Eusko Jaurlaritzaren Doktore ez diren Ikertzaileak Prestatzeko Programaren (FPI) ikertzaile eta bekaduna da. Denbora-tarte horretan, Kontu Laborategia ikerketa-taldearen barruan antolatutako mintegi eta hitzaldietan parte hartu du, «Vidas descontadas. Refugios para habitar la desaparición social» (PID2020-113183GB-I00, 2021-2025), Espainiako Zientzia eta Berrikuntza Ministerioak finantzatua. Gaur egun, euskal osasun-sisteman ahultasun sozialeko egoeran dauden paziente onkologikoen esperientziei buruzko doktore-tesia egiten du, Gabriel Gattiren zuzendaritzapean.
Gizarte-antropologiako irakaslea. Bere ikerketaren zati handi bat ahaidetasun garaikideari zuzendu zaio, bereziki amatasunari, homoparentalitateari eta ugalketa-teknologia berrien inpaktuari. Beste ikerketa-eremu batzuk gorputzaren eta ugalketaren antropologia eta antropologiaren arloan emakumeek duten presentzia dira. Kontatzeko moduak bere dimentsio bikoitzan, hau da, ezagutza sortzeko eta transmititzeko, kezkatzen dute, eta horrek ibiltzearen metodologietan eta mugimenduan dauden etnografietan zentratzera eraman du. Baita elkarrizketa konbentzionaletatik haratago sustatzen dituzten tekniken bilaketan ere lana egiten du (mugimenduzko elkarrizketak, metodo genealogikoa elkarlanean).
Arkitekto ibilbide profesionalean hibridatzen duproiektu arkitektoniko ikasgaiaren unibertsitateko irakaskuntza eta nizu arkitektura eta hirigintza bulegoko lana, hala nola euskal komunikazio eta espazio kulturaletan pentsamendu kritikoko hainbat proiektuetan parte hartuz.
Prestakuntzako soziologoa eta politologoa da. Gaur egun, doktore-tesia Euskal Herriko Unibertsitatean garatzen ari da, Espainiako erakunde geriatrikoetako bizitzaren mugei buruz, Hezkuntza Sailak esleitutako Unibertsitateko Irakasleak Prestatzeko kontratu baten bidez (FPU). Bestalde, Vidas Descontadas. Refugios para habitat la desaparición social ikerketa-proiektuan parte hartzen du baita Kontu Laborategia ikerketa-taldean ere. Bere azken argitalpenen artean, aipatzekoak dira Discounted Deaths: The Eruption of COVID ‐ 19 in the Geriatric System of the Community of Madrid (2022) eta La vida en el Cementerio como contexto de desaparición(2023).
Irati Lafragua ikus-entzunezko komunikazioan lizentziaduna da UPV/EHUn, eta ikusizko antropologiako master bat egin du UiT The Arctic University of Norwayn. Hainbat urtez Latinoamerikako albistegietan eta freelance korrespontsal gisa lan egin ondoren, gaur egun tesia egiten ari da UPV/EHUko doktorego beka bati esker. Bere interesak gurasotasun berrien, zaintzaren eta embodiment kontzeptuaren ingurukoak dira, betiere ikusizko antropologiaren ikuspegitik.
Gabriel Gatti soziologiako irakasle katedraduna da Euskal Herriko Unibertsitatean, Kontu Laborategiko ikertzaile nagusia eta Mundos de víctimas programaren arduraduna. Programa horretan, Vidas descontadas, Desapariciones eta Un mundo de víctimas proiektuak zuzendu ditu. Stanford, FMSH, EHESS edo Sorbonne Nouvelle unibertsitateetako ikertzaile bisitaria izan da, besteak beste. Bere azken liburua Desaparecidos. Cartografías del abandono (Turner, Madrid, 2022)
Saioa del Olmo Alonso artista eta Euskal Herriko Unibertsitateko Arte Ederren Fakultateko irakaslea da. Gizarte-harremanei eta -portaerei buruz ikertzen du artetik. Testuinguruko proiektuak eta proiektu performatiboak egiten ditu, partaidetza-prozesuak, lankidetza-prozesuak eta harreman-teknologiak erabiliz. Bere ekimenak talde-ekintzetan, egunerokotasuna harritzeko gailuetan eta eraikuntza kolektiborako proposamenetan gauzatzen dira.
Mariana Norandi Soziologian doktorea da Euskal Herriko Unibertsitatean (UPV-EHU) eta Komunikazio Zientzietan lizentziatua Bartzelonako Unibertsitate Autonomoan (UAB). Bere ibilbide profesionala batez ere Latinoamerikan garatu da, non 20 urte baino gehiagoz kazetari bezala lan egin duen. Gaur egun, kazetaritza-lana eta jarduera akademikoa uztartzen ditu, irakasle eta ikertzaile gisa. Bere ikerketa-ildoak, identitate, memoria eta exilioa izan dira. Hainbat artikulu argitaratu ditu hori buruzkoak. UABeko Komunikazioa eta Generoa masterreko irakaslea da. I+G+B ViDes. Vidas Desconectadas. Refugios para habitar la desaparición social (PID2020-113183GB-I00) (EHU)proiektuko lantaldeko kidea eta Memory Studies Association MSAren Latinoamerikako Eskualde Taldearen koordinatzailekidea.
Iosune Fernández-Centeno antropologoa da, eta Ikasketa Feministetan eta Generokoetan doktoregoa egiten du Euskal Herriko Unibertsitatean (UPV/EHU). Kontu Laborategiko ikerketa-taldearekin kolaboratzen du, eta Ez Donk Oraindik taldeko kide da, biak UPV/EHUkoak. Bere ikerketa-interesak ahaidetasunean, nazioarteko adopzioetan, amatasunean, haurtzaroan eta nerabezaroan, objektuetan, gorputzean eta emozioetan oinarritzen dira.
